واش عقلتي على داك الدار دالمدينة القديمة
واش عقلتي على داك الدار دالمدينة القديمة
والدنيا وشحال كان عليها دلقيمة
والحومة والجيرن
والنخوة دناس زمان
كانت الحياة بسيطة وكانت الفرحة ديمة
ديمة ديمة ديمة
ديمة ديمة ديمة
هاديك الصورة مازالة فعيني
غير البارح...
ذكريات كيف كانت لمدينة وكيف ولات
واش عقلتي على داك الدار دالمدينة القديمة
والرحبة دالسقاية... عقلتي عليها ؟
للي كانت جنب الواد
كترو المعامل فيها
كترو المعامل فيها
وتبدل لون الواد
وكَالو والله أعلم
بسبابو مرضو لولاد
بسبابو خوات الرحبة والحومة وماليها
واش عقلتي على داك الدار دالمدينة القديمة
والمسيد، هاداك المسيد
للي مور الدرب للي ديق وصغير
ومنو يمكنلك تخرج للجامع الكبير
والفقيه مول البشارة،
الله يواليه بالخيرالله يواليه بالخير
هداك المسيد آسيدي زال... زال،
وبناو مكانو عمارة، وكولشي بالأجل
ويلا جيتي تشوف،هه... راه بحال بحال
المسيد والعمارة، المهم مازال داك الدرب
ومازال داك الجامع الكبير
داك الجامع الكبير
واش عقلتي على داك الدار دالمدينة القديمة
هاديك الدار الكبيرة فراس الحومة
تعقل على شامة؟ للي كانت ساكنة تمة
دبا هاديك الدار، وقع عليها الغيار
وقسموها بيوت بيوت،
ومن بعد تنادم معاهم الحال، الحال
ولكن حتى فات الفوت ، الدار تباعت مقسومة
هاكداك بيوت بيوت
وفين مشاو الخوت، وفينك يا شامة...
واش عقلتي على داك الدار دالمدينة القديمة
Ven 14 Sep - 10:14